36-vjeçarja shqiptare u arrestua pas sekuestrimit të 450 kg kanabis, flet zyrtari i bashkisë

Diaspora

36-vjeçarja shqiptare u arrestua pas sekuestrimit të 450 kg kanabis, flet zyrtari i bashkisë

Më: 4 dhjetor 2021 Në ora: 19:04
Lidhur me arrestimin e 36-vjeçares, ka folur gjithashtu dhe nënkryetari i bashkisë së Lombardisë, Dante Cattaneo

Jona Mullaraj, 36-vjeçarja e arrestuar në Itali nën akuzën e trafikut të drogës, ishte një aktiviste në luftën kundër lëndëve narkotike.

Lajmi bëhet i ditur nga mediat sitaliane Sipas të cilave, në fillim të këtij viti, e reja nga Shqipëria mori pjesë në një aktivitet që kishte pikërisht në fokus luftën kundër trafikut të drogës.

Shtohet ndër të tjera se aktiviteti është zhvilluar në zonën e Groane Park në Lombardia ku morën pjesë dhe një sërë personalitetesh politike, duke përfshirë dhe Presidentin e Rajonit, Attilio Fontana.

Lidhur me arrestimin e 36-vjeçares, ka folur gjithashtu dhe nënkryetari i bashkisë së Lombardisë, Dante Cattaneo teksa shprehet se ka mbetur i surprizuar nga akuzat e ngritura ndaj saj.

Ai thotë se Mullaraj ka qenë gjithmonë në takimet e zhvilluara në këtë rajon për luftën kundër drogës.

“Ajo ishte një person shumë normal, nuk më bëri kurrë të dyshoja për diçka. Ajo merrte pjesë dhe në mbledhjet e këshillit bashkiak përpara pandemisë, kur ishte e hapur dhe për qytetarët e thjeshtë. Nëse e thërrisje, ajo vinte gjithmonë” – tha Cattaneo.

Hetimet e karabinierëve filluan pranverën e kaluar kur pronari i një ndërtese në Cesano Maderno kishte denoncuar vjedhjen në një garazh. Kur efektivët shkuan në garazh, gjetën dhe sekuestruan 450 kg kanabis.

Vjedhja e garazhit ishte inskenuar nga një 45-vjeçar teksa ky i fundit e ka tradhëtuar shqiptaren. Jona Mullaraj edyshohet se duhet ta ruante lëndën narkotike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat