U mbyt nga burri në Greqi, flet vëllai i shqiptares: Ja çfarë ndodhi një ditë më parë

Diaspora

U mbyt nga burri në Greqi, flet vëllai i shqiptares: Ja çfarë ndodhi një ditë më parë

Më: 6 dhjetor 2021 Në ora: 15:38
Vëllai i viktimës ka thënë se çifti i bashkëshortëve nuk kishin probleme

Ka folur për mediat ditën e sotme vëllai i viktimës e cila është vrarë një natë më parë nga bashkëshorti i saj në Greqi.

Për mediat greke vëllai i viktimës 36-vjeçare, Elonës, ka thënë se çifti i bashkëshortëve nuk kishin probleme.

“Nuk kanë patur probleme, kanë shkuar bashkë në punë. Dje shkuam në lokal për të pirë çaj dhe në orën 08:00 – 08:30 ai u largua dhe shkoi në shtëpi të gatuante për fëmijët. Fëmijët flinin në dhomën ngjitur, nuk kuptuan asgjë. Kishin 10 vjet që ishin të martuar, ishin njerëz të qetë. Fëmijët i kemi marrë ne, i kemi sjellë këtu”, ka thënë vëllai i Elonës pasi u pyet nga gazetarët për ngjarjen tragjike.

Kujtojmë se  Festimi, 40-vjeçari që mbyti me duar bashkëshorten e tij, është arrestuar nga policia greke pasi ka qenë vetë ai që lajmëroi autoritetet.

Dy fëmijët e mitur të çiftit janë marrë nga daja i tyre në kujdestari për momentin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat