“Më goditën aq fort sa unë u rrëzova”/ Dy shqiptarë sulmojnë një 62-vjeçar në Maltë - policia zbulon planin

Diaspora

“Më goditën aq fort sa unë u rrëzova”/ Dy shqiptarë sulmojnë një 62-vjeçar në Maltë - policia zbulon planin

Më: 17 qershor 2022 Në ora: 19:08
Vendi ku ndodhi ngjarja dhe personi qe u sulmua nga shqiptaret

Tre persona, mes tyre dy shqiptarë janë arrestuar në Maltë, pasi akuzohen për një sulm, të cilën autoritetet thonë se ishte i planifikuar dhe i paguar.

Mediat raportojnë se një 37-vjeçar maltez dhe dy shqiptarë të moshës 23-vjeçare pritet të akuzohen në gjykatë në lidhje me sulmin e paprovokuar ndaj një 62-vjeçari në zonën Qui-Si-Sana në qytetin Sliema.

Referuar burimeve policore bëhet e ditur se të dhënat e para tregojnë se sulmi mund të ketë qenë i paramenduar.

Fillimisht u raportua se personat u larguan nga vendi i ngjarjes, por më pas ata u arrestuan.

Nga hetimet rezulton se personi nga Malta kishte punësuar dy 23-vjeçarët shqiptarë për të ndjekur Louis Spiteri dhe për ta sulmua ata.

Pas arrestimit të dy shqiptarëve u arrestua edhe porositësi i këtij sulmi, maltezi 37 vjeçar.

Në një postim në Facebook, Louis Spiteri, viktima e sulmit, tha se ai kishte shijuar vrapimin e tij në mëngjes kur një nga dy burrat e ulur në një stol u ngrit dhe e goditi me grusht në fytyrë.

“Pa provokim njëri prej tyre u ngrit dhe më goditi aq fort në fytyrë, sa më hodhi në bar. Ndërsa unë fillova të bërtas për ndihmë, këta dy djem ikën me vrap. Isha i shokuar dhe i tmerruar, më gumëzhinte koka”, tha Spiteri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat