Një i ri nga Kosova gjendet i gjakosur në Itali, dyshohet se u sulmua nga një grup njerëzish

Diaspora

Një i ri nga Kosova gjendet i gjakosur në Itali, dyshohet se u sulmua nga një grup njerëzish

Më: 1 korrik 2022 Në ora: 16:50
Policia

Në Itali, në parkingun supermarketit Cadoro në periferi të Trevisos, respektivisht në Lancenigo di Villorba, pas mesnatës është gjetur i gjakosur me lëndime të rënda trupore një 23-vjeçar nga Kosova.

Sipas shtypit lokal, autoritetet italiane të rendit kanë njoftuar se arsyeja e gjithë kësaj po dyshohet të jetë një "qërim hesapesh", pasi djaloshi nga Kosova është i njohur për raste të ndryshme penale që i ka të trashëguara nga e kaluara.

Vetë ai e ka thirrur ambulancën në ora 2:15 pas mesnate. Atij i janë gjetur mavijosje në të gjithë trupin, e posaçërisht në shpinë.

Ai tashmë gjendet në spitalin kryesor të Treviso, ku është duke u trajtuar si pacient që gjendet mesatarisht në gjendje të rëndë shëndetësore.

I riu nga Kosova raportohet se nuk ka qenë shumë bashkëpunues me policinë, përveç se u ka thënë atyre se është rrahur nga një grup njerëzish, identiteti i të cilëve ende nuk dihet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat