Vdiq në moshë të re, kjo është 18-vjeçarja shqiptare që humbi jetën tragjikisht në një aksident në Itali

Diaspora

Vdiq në moshë të re, kjo është 18-vjeçarja shqiptare që humbi jetën tragjikisht në një aksident në Itali

Më: 1 korrik 2022 Në ora: 17:35
Bianca Papushallaj

Një 18-vjeçare me origjinë shqiptare ka humbur jetën në një aksident tragjik në Itali. Mediat raportojnë se bëhet fjalë për Bianca Papushallaj, e cila humbi jetën si pasojë e përplasjes së mjetit të saj me një pemë.

Aksidenti ka ndodhur mbrëmë vonë në Torretta di Legnago, në zonën e Veronese ku si pasojë Papushallaj humbi jetën në vend ndërkohë që ka mbetur e plagosur dhe mikesha e saj.

Raportohet se dy të rejat ishin nisur drejt Legnago-s, por papritur, rreth orës 21:00, mjeti devijon nga rruga dhe makina përplaset me një pemë.

E reja vdiq menjëherë, ndërsa shoqja e saj, me inicialet M.C, ndodhet në gjendje të rëndë dhe u dërgua në spitalin e Veronës.

Bianca ishte nxënëse e shkollës së mesme artistike Munari në Castelmassa. Ajo së fundmi kishte filluar të punonte në fshat si barmene në “Nero Café” në Castelmassa, një vend shumë i njohur nga të rinjtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat