Vdekja e shqiptarit Bektash Mesja ka lënë pas shumë pikëpyetje. Mediat italiane rapotojnë se priten urdhrat e para të ndalimit pas vdekjes së shqiptarit, punëtorit 38-vjeçar, i cili u gjet i vdekur në vendin e punës. Kompania në të cilën ai punonte, ishte e një shqiptari tjetër. Kjo kompani që nga vera e kaluar është angazhuar në mbajtjen e një sërë kantieresh rinovimi dhe mirëmbajtjeje.
Vdekja, sipas hipotezave, thuhet se skela nga e cila dyshohet se ka rënë punëtori ka përfunduar nën xham. Mesja u gjet nga disa persona në atë perimetër dhe më pas, sipas një prej pistave hetimore, u transportua me makinë dhe më pas u tërhoq zvarrë përgjatë gurëve të një rruge deri në hyrje të vilës të rinovuar.
Ende duhet sqaruar pozicioni i punëtorit: ishte me letra të rregullta apo jo? Ekzaminimi që do të duhet të zbulojë plotësisht origjinën e plagëve vdekjeprurëse në trupin e punëtorit, pikën e rënies (shkallët apo skelat?), zvarritjen e mundshme, siç u përmend, të kufomës nga një vend në tjetrin, janë ende në hetim e sipër. Hipotezat e krimit janë vrasja nga pakujdesia dhe fshehja e një kufome.
Ngjarja ka ndodhur dy ditë më parë në Ponteginori, brenda pronës Mocajo, një rezidencë e shekullit të tetëmbëdhjetë e shndërruar në një hotel luksoz prej vitesh. Hipoteza kryesore është se ishte një aksident në punë, edhe nëse hetuesit ruajnë ende konfidencialitetin maksimal për këtë çështje dhe po mbledhin dëshmi dhe elementë të tjerë të dobishëm për të sqaruar saktësisht se si kanë ndodhur ngjarjet.
Trupi i pa jetë i 38-vjeçarit shqiptar u gjet në katin e parë të një vile të sapo rinovuar në Mocajo dhe fillimisht u raportua se ai kishte rënë nga lartësia, pasi ishte rrëzuar nga shkallët e banesës ku po punonte, megjithëse kjo është një nga pistat pasi ka ende shumë pikëpyetje.
