Sportistët sa më larg politikës! E habitshme, gjyqtari i futbollit angazhohet ta mbështes PDK-në në zgjedhje!
Superliga e Kosovës në futboll është në pushim dimëror, por gjyqtari Dylot Brahimi ka zgjedhur të merret me politikë, në kohë kur vendi ndodhet para zgjedhjeve parlamentare që do të mbahen me 14 shkurt, shkruan Insporti.
Dylot Brahimi, gjyqtar i Ligës së Parë të Kosovës në futboll, ka gjetur një formë tjetër të angazhimit në kohë kur futbolli vendor gjendet në pushim dimëror.
Ai përmes llogarisë personale në rrjetin social Facebook, ka shpërndarë një postim të u.d të kryetarit të PDK-së, z. Enver Hoxhaj, njëherit edhe kandidat për kryeministër nga kjo parti, ku ai i bën thirrje ish kryeministrit z.Albin Kurti, që të ballafaqohet në debat.
