Neymar flet pas ndeshjes: Humba shumë raste, por jam tepër i lumtur që kemi arritur në gjysmëfinale

Futboll

Neymar flet pas ndeshjes: Humba shumë raste, por jam tepër i lumtur që kemi arritur në gjysmëfinale

Më: 13 prill 2021 Në ora: 23:23
Neymar

Skuadra e Paris Saint Germain ka kaluar në gjysmëfinale të Ligës së Kampionëve, duke eliminuar Bayern Munich me rezultatin e përgjithshëm pas dy takimeve të zhvilluara.

PSG ka humbur ndeshjen e kthimit me rezultatin 0-1, megjithatë ka kaluar tutje, falë fitores 2-3 dhe golave si mysafir në tokën gjermane.

Pas ndeshjes, Neymar tha se është shumë i lumtur me kalimin tutje të skuadrës së tij, pavarësisht humbjes së sotme.

“Unë jam shumë i lumtur, përkundër humbjes. Ne u përballëm me një ekip të shkëlqyeshëm. Ne jemi gjithashtu një ekip i shkëlqyeshëm dhe e treguam atë sonte. Ne eliminuam kampionin e Evropës. Objektivat janë respektuar, në gjysmëfinale dhe ne ende duhet të punojmë më shumë, të përmirësohemi dhe shpresojmë të kemi një gjysmëfinale të mirë. Është e vërtetë që ne flasim shumë me njëri-tjetrin, se ne jemi me të vërtetë një ekip. Di Maria garoi shumë sot, duhet t’i urojmë të gjithë”, tha Neymar për RMC Sport.

“Humba disa raste. Gjëja më e rëndësishme është se unë jam shumë i lumtur që jemi kualifikuar. PSG është një ekip i shkëlqyeshëm. Skuadra, tani duhet të synojmë gjysmëfinalet çdo herë”, përfundoi ai.

Shfaq komentet
comments powered by Disqus
Sot mund të lexoni Shfletoni kopertinat