Mbrojtësi i Sllovakisë Milan Skriniar tha se ishte shumë i frikësuar kur pa të shtunën shokun e tij të skuadrës, Christian Eriksen, duke rënë në tokë.
Reprezentuesi sllovak përgatitet të përballet me Poloninë në ndeshjen e parë të Euro 2020 të hënën dhe ndoqi ndeshjen midis Danimarkës dhe Finlandës të shtunën me shokët e tij të skuadrës në stërvitje..
Eriksen humbi ndjenjat në minutat e fundit të pjesës së parë dhe u transferua në spital.
Skriniar zbuloi se ishte shumë i frikësuar kur shoku i tij i skuadrës së Interit ra tokë në “Parken Stadium”, përcjellë KosovaPress.
"Ne e pamë atë këtu me djemtë dhe ishim shumë të frikësuar," tha Skriniar për “SFZ, Sllovake FA”.
“Ishte diçka e tmerrshme, isha shumë i frikësuar. Mendoj se e gjithë bota e futbollit ishte kështu.”
"Unë jam i kënaqur që Christian është mirë, të paktën raportet e para e sugjerojnë atë. Jam i lumtur që në fund shkoi kështu dhe mendoj se ai do të kthehet së shpejti në fushë. ”, tha në fund qendërmbrojtësi i Interit.
