Barcelona, Paris Saint-Germaini dhe Juventusi raportohet se kanë shprehur interesim për Bernardo Silvan.
Sipas “Fichajes”, të tri klubet janë duke monitoruar situatën e portugezit te kampioni në fuqi i Anglisë.
Barcelona thuhet se do të bëj një ofertë për portugezin gjatë afatit kalimtar të verës, të cilin e shohin si zëvendësues ideal të Ousmane Dembeles.
Kurse, PSG-ja po e mendon gjithashtu transferimin e Silvas, pasi e ardhmja e Neymarit dhe Mbappes nuk është e sigurt.
Në anën tjetër, Juventusi thuhet se do tentojë transferimin e 27-vjeçarit, pasi e shohin si zëvendësues të Paulo Dybalas.
Mbetet të shihet se cila do të jetë e ardhmja e Bernardo Silvas, i cili ka kontratë të vlefshme me Manchester Cityn deri më 30 qershor 2025.
