Apolonia luan ndaj Football Republic, spikat derbi Partizani – Tirana

Futboll

Apolonia luan ndaj Football Republic, spikat derbi Partizani – Tirana

Më: 20 maj 2022 Në ora: 15:50
Apolonia luan ndaj Football Republic, spikat derbi Partizani – Tirana

Kategoria Superiore U-19 do të zhvillojë këtë të premte dhe të shtunë dy ndeshjet gjysmëfinale të fazës play-off për këtë edicion futbollistik.

Apolonia – Football Republic do të jetë sfida e parë gjysmëfinale, që do të zhvillohet pasditen e sotme në Pezë.

Fierakët mbërritën në këtë fazë, pasi mundën në çerekfinale ekipin e Akademisë së Futbollit me rezultatin 2-0 ndërsa Football Republic triumfoi me shifrat 4-0 ndaj Vllaznisë. Nga kjo ndeshje që do të nisë në ora 17:00 në Pezë, pritet të përcaktohet edhe finalisti i parë për këtë sezon.

Ndërkaq, sfida tjetër gjysmëfinale është ajo mes Partizanit dhe Tiranës, derbit të kryeqytetit, këtë herë e vlefshme për grupmoshën U-19.

Të kuqtë kaluan në këtë fazë pasi fituan ndaj Bylisit me shifrat minimale 1-0, ndërsa bardheblutë fituan me përmbysje ndaj Skënderbeut me rezultatin 3-1. Ndeshja do të zhvillohet ditën e nesërme në Pezë në ora 17:00.

E premte, Apolonia – Football Republic, ora 17:00

 E shtunë, Partizani – Tirana, ora 17:00

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat