Slot: Kur nuk e kemi ne topin, duam ta fitojmë sa më shpejt

Futboll

Slot: Kur nuk e kemi ne topin, duam ta fitojmë sa më shpejt

Më: 22 maj 2022 Në ora: 15:52
Slot: Kur nuk e kemi ne topin, duam ta fitojmë sa më shpejt

Trajneri i Feyenoord, Arne Slot është shprehur krenar që “golat, energjia, intesiteti dhe shumë futboll sulmues”, kanë qenë përfaqësuese të skuadrës së tij në UEFA Conference League dhe ai dëshiron të njëjtën gjë edhe në finalen kundër Romës.

Duke folur në konferencën për mediet në Holandë, tekniku i Feyenoord theksoi se pikat më të forta të skuadrës së tij janë sulmi dhe loja intensive.

“Ne jemi një skuadër me mendje sulmuese që i pëlqen ta ketë shumë në kontroll topin dhe luajmë me shumë intesitet. Kur nuk e kemi ne topin, duam ta fitojmë sa më shpejt që të jetë e mundur, duke qenë agresiv dhe duke rifituar posedimin e lojës. Mendoj se jemi një skuadër që është e vështirë të mposhtet.”-tha Slot.

Ndërsa më tej duke folur për mënyrën se si ekipi i tij do të përballet në finale me Romën, tekniku i Feyenoord deklaroi se do të përdorë të njëjtin sistem loje.

“Duhet të përqendrohemi te kundërshtari, te cilësitë dhe dobësitë e tyre. Ne do të luajmë sistemin tonë të zakonshëm në finale, për sa kohë që të gjithë lojtarët janë në formë.”-tha Arne Slot.

Feyenoord do të ndeshet të mërkurën, më 25 maj, me Romën, në finalen e Conference League në “Air Albania”, finlja e parë europiane që zhvillohet në Shqipëri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat