Sulmuesi italian sfidon Ibrën, rinovon kontratën në moshën 40-vjeçare

Futboll

Sulmuesi italian sfidon Ibrën, rinovon kontratën në moshën 40-vjeçare

Më: 26 qershor 2022 Në ora: 09:23
Fabio Quagliarella

Fabio Quagliarella nuk ka ndërmend të ndalet. Sulmuesi italian, ndonëse në janar do të festojë ditëlindjen e 40-ë, është vetëm një hap larg rinovimit me Sampdorian.

Marrëveshja mes palëve është arritur tashmë dhe që në fillim të javës pritet të vijë zyrtarizimi, me Quagliarellën që do të jetë sërish në dispozicion të Giampaolos, gati për të dërguar topin në rrjetë.

Quagliarella do të nisë sezonin e 7 radhazi me klubin gjenovez, teksa në 6 të kaluarit numëron 229 ndeshje dhe 91 gola të shënuar.

Sulmuesi italian i bën në këtë mënyrë kërshëri Ibrës, që ndonëse po shkon drejt ditëlindjes së 42-të, është pranë rinovimit me Milanin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat