Salah rinovoi kontratën për 3 vite, egjiptiani bëhet lojtari më i paguar në historinë e Liverpool

Futboll

Salah rinovoi kontratën për 3 vite, egjiptiani bëhet lojtari më i paguar në historinë e Liverpool

Më: 2 korrik 2022 Në ora: 23:48
Mohamed Salah

Mohamed Salah ka nënshkruar kontratë të re me Liverpool për 3 vite, me egjiptianin që mund të përfitojë 400 mijë paund ose 465 mijë euro në javë te skuadra angleze.

Në këtë mënyrë “faraoni” bëhet lojtari më i paguar në historinë e “The Reds”, pas firmosjes së kontratës së re.

Megjithatë “Liverpool Echo” raporton se sulmuesi egjiptian mund të përfitojë më shume se sa kaq, nëse paraqitjet e tij janë në nivel të lartë.

Gjithashtu sipas burimit në fjalë bëhet e ditur se egjiptiani ka rënë dakord për një marrëveshje “shumë të stimuluar” që mund të “tejkalojë shifrën prej 400 mijë funtesh (465 mijë euro) nëse plotësohen kriteret e tij të bazuara në performancë”.

Kriteret thuhet se përqendrohen rreth kontributit në gola dhe asistime, të cilat thuhet se shihen si ‘të arritshme’ nga Salah.

Pretendohet se struktura e gjerë e kontratës është rënë dakord rreth fundit të vitit gjatë bisedimeve në Shtetet e Bashkuara të Amerikës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat