Duke iu referuar disa mediave në Mal të Zi e disa në Serbi, raportojnë se futbollisti Igor Vukçeviq është largua nga Llapi i Podujevës.
Sipas tyre, shkak është një pankartë në stadiumin “Fadil Vokrri” në Prishtinë.
Nëse është kështu, atëherë ky është një skandal i madh i një futbollistit siç është Vukçeviq.
“Igor Vukçeviq u largua nga Llapi për shkak të pankartës "“Ju e keni radhën”. në ndeshjen kundër Buduçnostit.
Futbollisti malazez Igor Vulçeviq ka ndërprerë kontratën me Llapin e Kosovës në dëm të tij.
Vukçeviq vendosi të largohet nga klubi nga Podujeva pasi në ndeshjen kundër Buduçnostit në kualifikimet për Conference League ishte vendosur një pankartë me hartën e Malit të Zi të ndarë me mbishkrimin ““Ju e keni radhën”.
Ish-lojtari i Buduçnostit, OFK Titograd, Petrovac dhe Kom ka nënshkruar për skuadrën nga Podujeva rreth njëzet ditë më parë", shkruan media malazeze “Dan”.
Kryetrajneri i Llapit, Tahir Batatina, tha se me lojtarin janë ndarë me marrëveshje të dyanshme dhe shkrimet e mediave serbe e malazeze, i ka quajtur g[njeshtër e kolluar.
“Është gënjeshtër. Arsyeja e largimit ka qenë marrëveshje. Nuk i ka përmbush kriteret gjatë ndeshjes dhe seancave stërvitore”, thotë Batatina për gazetën “Bota sot”.
