Bajrami, të dielën, do të debutoj kundër Gjilanit: Do të jetë vështirë, por besoj në rezultat pozitiv

Futboll

Bajrami, të dielën, do të debutoj kundër Gjilanit: Do të jetë vështirë, por besoj në rezultat pozitiv

Më: 19 gusht 2022 Në ora: 18:30
Bajrami

Këtë të diel për FC Malisheva nis sezoni i ri në Superligën e Kosovës. Skuadra për të cilën aktivizohet Medin Bajrami, mbrojtësi i talentuar nga Maqedonia, e kishte shtyrë ndeshjen e parë kundër Ballkanit (9 gusht), pasi therrandasit ishin të angazhuar në Ligën e Konferencës së UEFA-s.

Kjo ka bërë që futbollistët e Malishevës të kenë kohë të mjaftueshme për tu përgatitur sa më mirë për ndeshjen ndaj Gjilanit, si mysafir.

Medin Bajrami, përforcimi më i madh i Malishevës në afatin kalimtar veror, flet për Open-TV në prag të këtij takimi shumë të rëndësishëm për startin e kampionatit për ekipin e tij.

24-vjecari do të debutoj për Malishevën dhe kjo do të jetë një përvojë e re për të.

“Po jemi mirë të përgatitur pr ndeshjen në fjalë, në stërvitje e kemi dhënë maksimumin dhe besoj se maksimalishtë të përgatitur e presim ndeshjen”.

“Atmosfera në skuadër është shumë e mirë. Të gjithë në klub e presim me padurim ndeshjen për të vërtetuar punën që e kemi bërë në stërvitje”.

“Mund të them se na pret një ndeshje shumë e rëndë, pasi Gjilani e ka nis kampionatin me fitore. Pra do të jetë vështirë, por unë besoj se me angazhim maksimal mund të kthehemi me rezultat pozitiv”.

Gjilani-Malisheva do të takohen të dielën me fillim prej orës 17:00 në stadiumin ndihmës të Gjilanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat