Pavarësisht zhgënjimit të hidhur për daljen në çerekfinale të Kupës së Botës kundër Marokut, Cristiano Ronaldo dëshiron të luajë për Portugalinë deri në Kampionatin Evropian 2024. Sipas Correio da Manha, ish-lojtari i Manchester United nuk dëshiron të largohet nga kombëtarja.
Pak ditë më parë pamë skenat prekëse të Cristiano Ronaldos duke u larguar nga fusha pas bilbilit të trefishtë Marok-Portugali në lot, duke i dhënë përfundimisht lamtumirën këngës së fitimit të një Botërori. Por pavarësisht kësaj, CR7 nuk largohet nga Portugalia dhe dëshiron të përpiqet të fitojë përsëri Kampionatin Evropian në 2024…
Cristiano Ronaldo ndau me më shumë se 514 milionë ndjekësit e tij në Instagram mesazhin e mëposhtëm: “Tri aspekte të realitetit: Dhimbje, pasiguri dhe punë e vazhdueshme”. Çfarë ka dashur të thotë Cristiano Ronaldo me këtë mesazh të koduar, të publikuar pak ditë pas eliminimit të Portugalisë nga Kupa e Botës me atë si zëvendësues? Përgjigjen mund ta hamendësojë gjithkush sipas kënvështrimit të tij.
Ai shkruajti direkt pas eliminimit nje mesazh te gjate gjithashtu: “Fitimi i Kupës së Botës për Portugalinë ishte ëndrra më e madhe dhe më ambicioze e karrierës sime. Fatmirësisht fitova shumë tituj të dimensionit ndërkombëtar, duke përfshirë Portugalinë, por vendosja e emrit të vendit tonë në këmbën më të lartë në botë ishte ime më e madhe. Ishte ëndërra”.
“Kam luftuar për të. Kam luftuar shumë për këtë ëndërr. Në 5 paraqitjet që shënova në Kupat e Botës gjatë 16 viteve, gjithmonë në krah të lojtarëve të mëdhenj dhe i mbështetur nga miliona portugez, dhashë gjithçka. Dhae gjithcka ne fushe. Kurrë nuk e ktheva fytyrën nga ajo qe ndodhte jashte saj dhe kurrë nuk hoqa dorë nga ajo ëndërr.
“Mjerisht dje ëndrra përfundoi. Nuk ia vlen të reagosh direkt i nxehte ne mendime. Thjesht dua që të gjithë ta dini se shumë është thënë, shumë është shkruar, shumë është spekuluar, por përkushtimi im për Portugalinë nuk ka ndryshuar për asnjë moment. Unë kam qenë gjithmonë një luftëtar për objektivin e të gjithëve dhe nuk do t’i ktheja kurrë shpinën kolegëve dhe vendit tim.
“Nuk ka shumë për të thënë tani për tani. Faleminderit Portugali. Faleminderit Katar. Ëndrra ishte e bukur sa zgjati… Tani, shpresojmë që moti të jetë këshilltar i mirë dhe të lejojë secilin të nxjerrë përfundimet e veta.”
Ne lidhje me te ardhmen e tij, Ronaldo ende nuk ka vendosur teksa sigurisht qe mundesia e Arabise Saudite mbetet ende ajo me konkretja me nje lume miliardash euro. Vete presidenti i federatës saudite të futbollit, Yasser Al-Misehal, në një intervistë për Marca, tha: “Si federatë, ne nuk mund të ndërhyjmë mes një klubi saudit dhe një lojtari.
Por ne do të donim ta kishim atë në ligën tonë. Ne duam të kemi gjithnjë e më shumë lojtarë kryesorë nga e gjithë bota. Është një mundësi. Ne po tërheqim yje dhe mendoj se është një mundësi, por nuk jam ende i sigurt”.
Portugezi, sipas zërave që qarkullojnë këto ditë, do të kalonte te Al Nassr me një kontratë 200 milionëshe në vit: “Çdo klub duhet të përmbushë angazhimet financiare ndaj Federatës. Unë nuk mendoj se Al Nassr, nëse do të ishte ai klub, do të vinte një figurë në tavolinë pa arritur ta kënaqte. Nëse jo, mund të jetë problem”.
