Marrëdhënia mes trajnerit Luciano Spalletti e presidentit Aurelio de Laurentiis është tensura së fundi edhe pse skuadra e Napoli u shpall kampione. Deklaratat nga të dyja palër kanë acaruar marrëdhenien, duke krijuar dyshime për të ardhmen e trajnerit, i cili mund të largohet.
Sipas “Corriere Dello Sport”, kampionët e saposhpallur të Italisë kanë nisur të mendojnë për një zëvendësues të denjë dhe në krye të listës është Antonio Conte. Një emër që presidenti De Laurentiis e pëlqen shumë, por Conte kërkon një rrogë të majme e kërkesa të forta në merkato.
Për pasojë, kjo e bën të vështirë ardhjen e ish-trajnerit të Juventus, Inter e Chelsea, pasi presidenti i Napolit nuk ka ndërmend të shpenzojë shumë.
Mes kandidatëve të tjerë janë edhe Roberto De Zerbi, Vincenzo Italiano e Gian Piero Gasperini. I pari ka qenë dikur lojtar i Napoli dhe e njeh mirë ambientin.
