Futbollistët malazezë udhëtojnë për në Islandë herët në mëngjes, të premten në mbrëmje (20.45) do të luajnë në kuadër të Ligës së Kombeve.
Robert Prosineçki, selektori i Malit të Zi, ka disa mungesa.
“Dhe ai nuk i ka gjashtë lojtarë, duke përfshirë ‘paketën’ e qendërmbrojtësve standardë. A mund ta organizojë mbrojtjen pa Stefan Saviqin dhe Igor Vujaçiq për një kohë kaq të shkurtër?
Marko Tuçi, që luan në ekipin e Koresë së Jugut, Gangwo, është një nga opsionet. Jo vetëm për sfidën në Islandë (e premte, ora 20.45), por edhe për duelin me Uellsin të hënën në Nikshiq”, shkruan mediumi malazez “Vijesti”.
“Mungesa e lojtarëve standardë është një fat i keq për ne. Këta janë ndoshta më të mirët në kombëtaren tonë.
Por ne që jemi aty do të mundohemi të bëjmë gjithçka për ta fituar ndeshjen”, tha lojtari shqiptar Marko Tuçi.
Krahas Saviqit dhe Vujaçiqit, Malit të Zi do t'i mungojnë edhe Marko Jankoviq, Edvin Kuç, Marko Bakiq dhe Vasilije Axhiq.
Megjithatë, Mali i Zi është gati, thotë mbrojtësi 25-vjeçar, ish-lojtar i Deçiqit, Jezeros dhe Podgoricës.
“Ne analizuam Islandën dhe pamë se ata janë një ekip i disiplinuar. Veprojnë me topa të gjatë, janë të mirë edhe në topin e dytë...
Po ashtu, i pamë të metat e tyre, të cilat shpresoj t'i shfrytëzojmë”, thotë Tuçi.
