Fusha e Dumnicës ka qenë arenë sportive në vitet e 90-ta (1991-1999), aty ku klubi i hendbollit Llapi nga Podujeva, i ka zhvilluar ndeshjet si vendas në kuadër të Republikës së Kosovës dhe vazhdimisht ishin të kërcënuar nga regjimi serb.
Eshref Babatinca i takon Gjeneratës së Republikës dhe ka qenë ndër hendbollistët më të disiplinuar të asaj kohe.
Batatinca ka luajtur me sukses në pozitën beku i majtë dhe për ekipin e Llapit, skuadër e cila ishte shembull për organizim në vitet e 90-ta.
Batatinca me shumë shokë zhvilluan garat me krenari në Kampionatin e Kosovës, duke iu kundërvu regjimit serb.
Ai dha kontribut aq sa kishte mundësi në shërbim të hendbollit dhe sportit në Kosovë.
Batatinca ka qenë ndër hendbollistët më të mirë në vitet e 90-ta, po ashtu ka luajtur me sukses edhe në vitet e pasluftës.
