Sot zhvillohet turneu kushtuar heroit Jeton Tërstena

Hendboll

Sot zhvillohet turneu kushtuar heroit Jeton Tërstena

Më: 5 shtator 2021 Në ora: 11:52
Sot zhvillohet turneu kushtuar heroit Jeton Tërstena

Turneu tradicional “Jeton Tërstena – Tota” zhvillohet të dielën (sot) në palestrën në Samadrexhë. Këtë turne kushtuar ish-hendbollistit të suksesshëm, e organizon KH Vushtrria. Është turne tradicional që zhvillohet në prag të edicionit.

Hapja e turneut kushtuar heroit të Kosovës është në ora 12:00. Prej orës 13:00 zhvillohet ndeshja e parë, ndërsa në ora 15:00 është ndeshja e dytë. Finalja luhet prej orës 18:00. Priten ndeshje të bukura dhe në frymën sportive.

Pos nikoqirit, KH Vushtrrisë, marrin pjesë edhe Besa Famgas, Prishtina e Trepça. Për Prishtinën e Trepçën do të jetë provë gjenerale para ndeshjeve evropiane. Ndërkohë edhe Besa Famgas po përgatitet për gara evropiane.

Emrin e heroit Jeton Tërstena e mban palestra në Vushtrri. Tota është shquar si hendbollist, ndërsa i është bashkuar herët radhëve të UÇK-së. Më 6 gusht të vitit 1998, në mbrojtje të pozicioneve të luftës, Jeton Tërstena ra heroikisht me armë në dorë. Me veprën e tij mburret gjithë Vushtrria, por edhe gjithë komuniteti i hendbollit në vend dhe i gjithë vendi ynë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat