Kosova pëson humbje nga Greqia

Hendboll

Kosova pëson humbje nga Greqia

Më: 9 janar 2022 Në ora: 20:18
Kombëtarja e Kosovës

Kombëtarja e Kosovës ka pësuar humbje sot ndaj asaj të Greqisë në kuadër të sportit të hendbollit, ndeshje kjo që ishte e vlefshme për fazën kualifikuese drejt Kampionatit Botëror 2023.

Edhe në ndeshjen e dytë kundër Greqisë, “Dardanët” pësojnë humbje me rezultat të ngushtë prej një goli, respektivisht me rezultat 26:25.

Pjesën e parë të këtij takimi e hapi më mirë Greqia, ku edhe e kishte epërsinë në duar, pasi që kryesonte me rezultat 14:9.

Por, në pjesën e dytë ishte Kosova ajo e cila zhvilloi ndeshje më të mirë, ku kryesonte me rezultat 16:12, por që nuk doli të ishte e mjaftueshme për të siguruar fitoren ndaj grekëve.

Me pikët e reja, Greqia kryeson Grupin 1 të këtyre kualifikimeve me gjithsej tetë pikë, katër sosh më shumë se vendi i dytë Turqia.

Në anën tjetër, Kosova zë vendin e fundit në grup, respektivisht të katërtin me vetëm një pikë të tubuar, dy sosh larg vendit të tretë, Kombëtares së Belgjikës.

Ndeshja e radhës për Kosovën do të jetë më 12 janar, ku e pret në shtëpi vendin e dytë të këtij grupi Turqinë.

Rezultati final i ndeshjes së sotme është 26:25 në të mirë të Greqisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat