Greqia mposht Belgjikën dhe lë të hapur mundësinë që Kosova të vazhdojë tutje në Kampionatin Botëror të Hendbollit

Hendboll

Greqia mposht Belgjikën dhe lë të hapur mundësinë që Kosova të vazhdojë tutje në Kampionatin Botëror të Hendbollit

Më: 13 janar 2022 Në ora: 21:14
Ilustrim

Kombëtarja e Kosovës në hendboll është ende në garë për të kaluar në fazën e dytë të kualifikimeve për Botërorin 2023.

Të enjten është luajtur ndeshja mes Greqisë dhe Belgjikës, ndërsa fitore kanë shënuar grekët me rezultat 42:24. Ky rezultat e lë në garë Kosovën për pozitën e dytë, që siguron avancimin tutje.

Pas pesë xhirove, në grupin e parë udhëheq Greqia me 10 pikë. Turqia është e dyta me 4 pikë, ndërsa Kosova e Belgjika i kanë nga 3 pikë.

Të shtunën me fillim nga ora 20:15, Kosova luan në udhëtim ndaj Belgjikës. Ndërsa ndeshja Turqi – Greqi është të dielën. Kosovës i duhet fitorja për të mbetur në garë. Dhe për kualifikim, pos fitores i duhet që Greqia ta mposhtë Turqinë.

Të mërkurën Kosova fitoi 26:24 ndaj Turqisë ndërsa po vijon përgatitjet për sfidën me Belgjikën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat