Ferizaj e ka fituar ndeshjen e parë të xhiros së nëntë të Superligës së Kosovës në hendboll në konkurrencë të femrave.
Të shtunën në kryeqytet, Ferizaj e mposhti Prishtinën me rezultat 37:32.
Pas pjesës së parë ferizajaset kishin epërsi prej dhjetë golash, 21:11.
Tainara Luna Gonçalves i realizoi tetë gola për Ferizajn. Shtatë i shtoi Vahide Gashi.
Te Prishtina nga tetë gola i shënuan Eduarta Kurteshi e Natyrë Arifi.
Ferizaj i ka nëntë pikë në vendin e katërt. Prishtina renditet e gjashta me katër pikë.