Fitore bindëse për Kastriotin e Llapin

Hendboll

Fitore bindëse për Kastriotin e Llapin

Më: 21 nëntor 2026 Në ora: 22:17
Klubi i hendbollit Kastrioti

Kastrioti dhe Llapi i kanë fituar ndeshjet e së shtunës, të vlefshme për xhiron e nëntë të kampionatit të Kosovës në hendboll në konkurrencë të meshkujve.

Kastrioti fitoi në kryeqytet ndaj Prishtinës me rezultat 52:29.

Te ferizajasit më efikasi ishte Vuk Lakiçeviq me 12 gola. Nëntë i realizoi Festim Mustafa.

Lum Xhemajli me 11 dhe Enis Kuleta me 9, u shquan me numrin e golave te Prishtina.

Në Podujevë, Llapi e mposhti Rahovecin me rezultat 42:30. Santos de Souza Kaique i realizoi 11 gola për Llapin.

Cristiam Machado i shtoi dhjetë.

Ardit Dema i shënoi plot 13 gola për "vreshtarët".

Kastrioti ka 10 pikë në vendin e katërt. Llapi është i pesti me gjashtë pikë. Prishtina mbetet e parafundit, kurse Rahoveci renditet i fundit.

Sot mund të lexoni Shfletoni kopertinat