Komuna e Gjakovës si shumë komuna tjera në Kosovë, ka zgjedhur më të mirët për vitin 2021.
Ndër dhjetë laureatët më të mirë është edhe Alberina Berisha, hendbolliste e Shqiponjës nga Gjakova.
Berisha është krenare që është në mesin e dhjetë më të mira, duke pretenduar që të arrijë suksese edhe më shumë në vitet e ardhshme.
“Ky çmim me motivon edhe më shumë sepse po vlerësohet mundi e djersa e sportisteve.
Të jesh në mes e dhjetë më të mirëve në Komunën e Gjakovës, për mu është një privilegj por edhe një përgjegjësi për të punuar edhe më shumë në të ardhmen.
Jam krenare që mbroj ngjyrat e klubit Shqiponja, e cila ka një kryesin të mrekullueshme me lojtare të talentuara e me ambicie të mëdha.
Iu jam mirënjohës familjes për të arriturat e mija, presidentit të klubit Skënder Alija e sekretarit Demë Sadiku. E imja është të jap maksimumin, të tjerët e vlerësojnë kontributin, kjo më bën krenare pamasë”, tha Berisha për gazetën kombëtare “Bota sot”.
