KHF Kastrioti po del nga gjumi i thellë, negociojnë me një ukrainase 

Hendboll

KHF Kastrioti po del nga gjumi i thellë, negociojnë me një ukrainase 

Nga: Kemajl Goca Më: 5 korrik 2022 Në ora: 15:41
KHF Kastrioti

Kastrioti i Ferizajt (femrat), duket se po del nga gjumi i thellë dhe po kërkojnë të përforcohen me hendbolliste të jashtme.
Merret vesh se janë në negociata me një hendbolliste nga Ukraina, duke iu falënderuar të palodhshmit Ekrem Beqa, drejtor i klubit.

“Ata po tentojnë të përforcohen me një lojtare nga Ukraina”, tha një burim për gazetën “Bota sot”.

Trajnerja Lirie Muhaxheri, me bashkëpunëtoren e saj, Vlora Jashari, nuk dihet ende se a kanë paraqitur ndonjë plan, çfarë i duhet, në cilat pozicione të përforcohen për edicionin e ri apo nuk kanë hartuar asgjë deri me tash! 

Megjithatë, pritet që presidentja e klubit Erza Hasani me drejtorin Beqa, kësaj radhe të reagojnë sa i përket përforcimeve, mos të bazohen në shpresat e dikujt tjetër, që ta presin ditën e fundit të afatit kalimtar si vitin e kaluar dhe të mbeten pa përforcime. 

Mbetet të shihet, do të përforcohen apo jo! Ndryshe nëse nuk përforcohen, do të jetë edhe një dështim i radhës për një klub që ka fituar 7 tituj pas lufte.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat