Jusuf Gërvalla fiton në Samadrexhë

Hendboll

Jusuf Gërvalla fiton në Samadrexhë

Më: 27 nëntor 2022 Në ora: 22:35
Jusuf Gërvalla fiton në Samadrexhë

Jusuf Gërvalla ka fituar pikë të rëndësishme të dielën. Në udhëtim, përkatësisht në Samadrexhë, skuadra deçanase ka fituar me rezultatin 34:30.

Ndeshja Samadrexha – Jusuf Gërvalla i ka takuar javës së nëntë, të fundit të stinorit vjeshtor në Superligën e hendbollisteve.

Ndeshjen më mirë e hapën mysafiret, por vendaset u kthyen për të barazuar 12:12. 17:16 për Jusuf Gërvallën përfundoi pjesa e parë.

Në pjesën e dytë ndeshja ishte e barabartë, por mysafiret gradualisht nisën shkëputjen. Një seri pas minutës së 50-të ishte vendimtare për fitoren 34:30 të Jusuf Gërvallës.

Agnesa Surdulli i shënoi 10 gola për Samadrexhën. 7 i kishte Aulona Maloku, ndërsa 6 i realizoi Arlinda Maloku.

Te Jusuf Gërvalla 16 gola i shënoi Arjeta Imeraj. 8 i shënoi Nurije Çekaj, derisa 7 i kishte Ardiana Imeraj.

Jusuf Gërvalla është i teti me katër pikë. Samadrexha i ka dy pikë në vendin e nëntë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat