Fitore të pritura për Trepçën e Prishtinën

Hendboll

Fitore të pritura për Trepçën e Prishtinën

Më: 3 dhjetor 2022 Në ora: 23:39
Fitore të pritura për Trepçën e Prishtinën

Të shtunën u luajtën dy ndeshjet e para të xhiros së njëmbëdhjetë të Superligës së Kosovës në hendboll (meshkujt).

Në palestrën “Minatori” në Mitrovicë, Trepça e ka mposhtur Deçanin me rezultat 36:30.

Pas fillimit të barabartë, vendasit shpejtë u shkëputën në 11:5 dhe më pas mbajtën epërsi konstante deri në fund të pjesës së parë (20:14). Në pjesën e dytë epërsia e Trepçës shkoi deri në 12 gola, kurse në fund rezultati ishte 36:30.

Kushtrim Kastrati i shënoi 9 gola për Trepçën. Tetë i kishte Yassine Benjouida, ndërsa shtatë i realizoi Yassine Henahen.

Te Deçani, 10 gola i shënoi Fatlind Mazrekaj. Pesë i kishte Matheus Henrique.

Ndërkohë Prishtina ka fituar bindshëm ndaj Llapit. Ndeshja në kryeqytet përfundoi 51:24 për skuadrën vendase.
Agon Bajqinovci e Enis Kuleta i shënuan nga 13 gola për Prishtinën. Tetë gola i shtoi Sergio Barreto.

Te Llapi më efikasi ishte Altin Mani me gjashtë gola. Nga katër i shënuan Blerton Hasani e Endrit Havolli.

Të dielën është derbi Rahoveci – Vushtrria, kurse ndeshja Kastrioti – Besa Famgas është shtyrë për shkak se Besa luan ndeshje evropiane të dielën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat