Besa Famgas e Pejës po përgatitet për të fituar titullin e 19-të apo të 10-tin rresht.
Nesër në orën 20.15 në palestrën e sportit “Minatori” në Mitrovicë, Trepça përballet me Besën Famgas, finalja e dytë e play-off-it të Superligës së Kosovës në hendboll (meshkujt).
Kryesia e Besa Famgas ia kujton Taib Kabashit se cili është trajneri më i trofeshëm, që ka gati 2-fishin më shumë se ai.
“Taib Kabashi po deklarohet nëpër televizione se është trajneri më i trofeshëm në Kosovë.
Nuk është Taib Kabashi por është Valon Sylejmani.
Taib Kabashi po ia bëjmë me dije se trajneri i portierëve të Besës, Valon Sylejmani, ka gati 2-fishin më shumë të titujve se sa Kabashi.
Sylejmanl ka 10 tituj e 8 Kupa të Kosovës, pa llogaritur edhe trofetë me të rinjtë e Besës.
Sylejmani është pjesë e pandashme e Besës.
Sylejmani është bindshëm më i trofeshëm se Kabashi”, i ka bërë me dije KH Besa Famgas kryetrajnerit të Trepçës.
