Skuadra shqiptare Çairi me trajnerin Basri Latifi vazhdojnë me përforcime për edicionin e ri të Kampionatit të Maqedonisë së Veriut.
Çairi është përforcuar me hendbollisten turke Sevda Ozkan.
“Një tjetër transfer Bombë në Çair:
Njëra nga lojtarët më të mira të Kombëtares së Turqisë vjen në Çair të Shkupit.
WHC ÇAIR ka bërë një hap të madh për sezonin e ardhshëm, duke rënë dakord për transferimin e Sevda Ozkan.
Bombarduesja me dorën e majtë, mund të luajë në dy pozicione, në pozicionin e krahut të djathtë dhe ai i mbrojtësit të djathtë.
Ajo ka lindur në qytetin e Bursës dhe pritet të jetë një pjesë e rëndësishme e ekipit tonë.
Kjo dhe gjithçka tjetër tregon për seriozitetin e projektit të klubit tonë drejt sukseseve kulmore.
Po ndërtojmë një skuadër superiore për sezonet e ardhshme dhe nënshkrimi i Sevda Ozkan është pjesë e synimit që skuadra të marrë përforcime cilësore në çdo pozitë”, njofton klubi i Çairit.
