Kritika të forta për kombëtaren e Kroacisë dhe selektorin Goran Përkovac pas eliminimit nga Kampionati Evropian në hendboll.
Në ndeshjen e fundit Kroacia fitoi (30:24) ndaj Gjermanisë, por ajo ndeshje nuk pati rezultat pasi më herët kishin humbur shpresat.
Nga ana tjetër, trajneri kroat Petar Metliçiq, e ka goditur Veselin Vujoviq.
Është thënë se të gjithë kanë frikë nga Zoran Gopac (kryetar i Federatës së Hendbollit të Kroacisë), i cili dëshiron ta emërojë Veselin Vujoviqin për selektor, shkruan mediumi kroat "24 sata".
“Me Gopacin nuk kam asnjë problem, as nuk kam frikë prej tij. Ai është një person i fuqishëm në hendboll, por nuk e di pse duhet të ketë frikë.
Unë nuk varem prej tij. As nuk dua gjë prej tij.
E sa i përket Vujoviqit, do të ishte një gabim i madh, Vujoviq nuk ka çfarë të drejtojë kombëtaren e Kroacisë! Ka njerëz më të mirë, do të ishte një gabim i madh”, tha Metliçiq.
