Në Tashkent të Uzbekistanit, të mërkurën fillon kampionati IHF Trophy Intercontinental. Kampionati zhvillohet për hendbolliste, për grupmoshën U20 dhe U18.
Kombëtarja e Kosovës paraqitet në grupmoshën U18, ndërsa e kërkon suksesin. Kombëtarja jonë është në grupin B së bashku me Uzbekistanin dhe Guatemalën.
Të mërkurën prej orës 8:00 është ndeshja Uzbekistani – Guatemala.
Vajzat tona e kanë ndeshjen e parë të enjten prej orës 8:00 ndaj Uzbekistanit.
Të premten prej orës 8:00 është ndeshja Guatemala – Kosova.
Në Grupin A janë Nigeria, Guadalupe dhe Kaledonia e Re.
Të shtunën janë gjysmëfinalet dhe të dielën finalja dhe ndeshja për vendin e tretë.
Dy Kombëtaret më të mira kualifikohen në Botërorin U18 që në gusht mbahet në Kinë.
Kombëtarja jonë të martën ka arritur në Tashkent dhe në mbrëmje e zhvilloi një stërvitje. Vajzat tona janë maksimalisht të motivuara për të siguruar kualifikim historik në Botëror.
