Elsa Kongjeli: Synojmë të dy trofetë

Hendboll

Elsa Kongjeli: Synojmë të dy trofetë

Kemajl Goca Nga Kemajl Goca Më 18 mars 2025 Në ora: 19:43
Elsa Kongjeli

Ferizaj po lufton për të gjitha trofetë në hendbolin e Kosovës.

Javën që e lamë pas, vashat e Ferizajt shënuan fitore në udhëtim, me rezultat 37:30 ndaj Besës së Pejës.

Elsa Kongjeli, prej hendbollisteve më të taletuara dhe më të mira në vendin tonë, është si “xhokere” në petkun e fitueses së Kupës së Kosovës, Ferizaj.

Image

Ferizaj

Lojtarja shtatlarte është optimiste se me lojëra të mria do të arrijnë qëllimin në fund të edicionit 2024-2025.

“Ferizajn në vazhdim të kampionatit e shoh si një ekip që do të futet në çdo ndeshje për të dhënë më të mirën dhe për të qenë konkurrent sa më i fort për çdo ekip”, thotë Elsa për gazetën kombëtare “Bota sot”.

Ferizaj tani për tani renditet në vend të dytë me 20 pikë, ka dy më pak se liderja dhe kampionja në fuqi Istogu.

Javën që vjen Ferizaj është i lirë dhe këtë do të shfrytëzojnë që të përgatiten sa më mirë për javën e 15-të.   

Biondja Elsa tha se synimet i kanë të qarta: “Synojmë të dy trofetë”.

Elsa që luann në pozitën ebegut është kthyer me sukses të madh pas operimit.

Ajo ka shënuar pesë gola në ndeshjen e fundit ndaj Besës.

“Ka qenë shumë e vështirë pjesa e operimit dhe kthimi në fushë, por gjithmonë me dëshirën për të ndihmuar ekipin gjithçka kalohet më lehtë. Besoj në veten time dhe kam ende më shumë për të dhënë”, ka përfunduar Elsa

Tabela

1. Istogu 12 11 0 1 475:326  22
2. Ferizaj 12 10 0 2 20 424:330  20
3. Samadrexha 11 7    0 4 401:310 14
4. Shqiponja 12 7 0 5 430:395  14
5. Kastrioti 11 6 0 5 350:359  12
6. Vushtrria 12 5 0 7 389:382  10
7. Besa 12 4 0 8 313:383  8
8. Tereza 11 1 1 9 311:395  3
9. Prishtina 11 0 1 10 250:463  1

comment Për komente lëvizni më poshtë
Sot mund të lexoni Shfletoni kopertinat