Ferizaj mezi e mposhti Prishtinën

Hendboll

Ferizaj mezi e mposhti Prishtinën

Më: 11 tetor 2025 Në ora: 19:36
Pamje nga një ndeshje

Ferizaj e fiton me një gol dallim derbin me Prishtinën

Ferizaj e Prishtina kanë zhvilluar ndeshje të fortë të shtunën në Shtime.

Ndeshja i takoi xhiros së tretë të Superligës së Kosovës në hendboll, ndërsa u fitua nga ferizajaset me vetëm një gol dallim, 33:32.

Ferizaj e nisi më mirë ndeshjen dhe krijoi epërsi 5:1.

Më pas mbajti epërsi deri në fund të pjesës së parë. 

Prishtina megjithatë nuk u dorëzua.

Barazoi në 19:19 në minutën e 37-të e 20:20 në minutën e 38-të. Barazime të tjera u regjistruan, 26:26, 27:27 e 28:28. 

Sevdanur Ozkan e Agnesa Hysa shënuan gola për epërsinë 30:28 të ferizajaseve. Në 30:29 rezultatin e ngushtoi Eduarta Kurteshi, kurse më pas shënuan Ozkan e Shkurte Mehmeti për 32:29.

Angelika Luberecka realizoi golin e radhës për Prishtinën, për 32:30. Lorena Matarova e Ferizajt realizoi për 33:30, ndërsa Burneta Rama e Luberecka shënuan për 33:32.

Në fund Prishtina kishte rast për ta barazuar rezultatin, por qëlloi shtyllën.

Ozkan shkëlqeu te Ferizaj me plot 17 gola.

Pesë i shënoi Shkurte Mehmeti e katër Agnesa Hysa.

Te Prishtina u dallua Burneta Rama me 11 gola. 10 i shtoi Celine Tolno Sia, pesë i kishte Eduarta Kurteshi e katër Angelika Luberecka. 

Ferizaj e shënoi fitoren e tretë dhe udhëheqë në tabelë me gjashtë pikë. Prishtina mbetet pa pikë.

comment Për komente lëvizni më poshtë
Sot mund të lexoni Shfletoni kopertinat