Fitore bindëse për Kastriotin e Prishtinën

Hendboll

Fitore bindëse për Kastriotin e Prishtinën

Më: 7 mars 2026 Në ora: 23:01
Kastrioti

Të shtunën janë luajtur dy ndeshjet e para të xhiros së 21-të të Superligës së Kosovës në hendboll në konkurrencë të meshkujve.

Lideri i klasifikimit, Kastrioti, fitoi bindshëm në udhëtim ndaj Vushtrrisë me rezultat 46:31. Edhe më bindëse ishte Prishtina ndaj Trepçës, 52:30.

Adonit Isufi me 8 gola dhe Elion Goçi me 7 e udhëhoqën Kastriotin.

Te Vushtrria u dalluan Lulzim Sadiku me 11 gola dhe Oltion Shabani me tetë.

Enis Kuleta u dallua te Prishtina me 15 gola. 12 i realizoi Albi Gjuka.

Ndërkohë te Trepça, Eris Beqiri i shënoi nëntë gola, kurse Sali Maxhera i kishte gjashtë.

Kastrioti i ka 38 pikë në vendin e parë.

Trepça është e gjashta me 14 pikë. Prishtina mbetet e parafundit, por tani me 11 pikë. Vushtrria është e fundit.

comment Për komente lëvizni më poshtë
Sot mund të lexoni Shfletoni kopertinat