Tahiri, pas kalimit të Vushtrrisë në zonë të verdhë: Keni kujdes

Kosova

Tahiri, pas kalimit të Vushtrrisë në zonë të verdhë: Keni kujdes

Më: 11 dhjetor 2020 Në ora: 19:31
Xhafer Tahiri

Kryetari i Komunës së Vushtrrisë, Xhafer Tahiri, ka bërë thirrje për kujdes të shtuar, pas kalimit të qytetit nga zona e kuqe e rrezikshmërisë në atë të verdhë.

Tahiri ka përkujtuar edhe, siç i quan ai, humbjet e mëdha nga koronavirusi, teksa ka bërë thirrje që qytetarët e Vushtrrisë të ruajnë njëri tjetrin.

Në zonë të verdhë, pas vlerësimit të situatës epidemiologjike nga Ministria e Shëndetësisë, ka kaluar edhe qyteti i Ferizajt.

Njoftimi i plotë

Vushtrria sonte ka dalur nga Zona e Kuqe në Zonë të verdhë, me këtë rast është hequr ora policore?

Shumë njerëz të dashur kemi humbur nga ky virus i keq, shumë qytetarë të tjerë po vuajnë me shëndet të rënduar.

Andaj, ju lutem, kujdes, ruani vehtën, familjen qytetin tonë! 

comment Për komente lëvizni më poshtë
Sot mund të lexoni Shfletoni kopertinat