Për një ditë, ngrihen 53 aktakuza ndaj 69 personave

Kosova

Për një ditë, ngrihen 53 aktakuza ndaj 69 personave

Më: 9 shkurt 2021 Në ora: 10:50
Foto ilustrim

Prokurori i Shtetit ka bërë të ditur se gjatë 24 orëve të fundit në Kosovë janë ngritur 53 aktakuza ndaj 69 personave.

Sipas Prokurorit të Shtetit, gjatë kësaj kohe janë ndaluar 7 persona dhe janë bërë 3 kërkesa për caktimin e paraburgimit ndaj 4 personave.

Njoftimi i plotë

Prokurori i Shtetit, njofton opinionin se gjatë 24 orëve të fundit nga prokuroritë themelore janë ngritur pesëdhjetetre (53) aktakuza kundër gjashtëdhjetenëntë (69) personave, për vepra të ndryshme penale.

Po ashtu, me urdhër të prokurorit të shtetit janë ndaluar për 48 orë shtatë (7) persona, si dhe janë bërë tre (3) kërkesa për caktimin e paraburgimit të katër (4) personave.

Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar katër (4) persona të dyshuar, ka paraqitur tri (3) kërkesa për caktimin e masës së paraburgimit për katër (4) persona, si dhe ka ngritur njëzetedy (22) aktakuza kundër njëzetegjashtë (26) personave, për vepra të ndryshme penale.

Prokuroria Themelore në Prizren, gjatë 24 orëve të fundit, ka ndaluar dy (2) persona për 48 orë dhe ka ngritur tetë (8) aktakuza kundër dymbëdhjetë (12) personave, të dyshuar për kryerjen e veprave të ndryshme penale, të përcaktuara në Kodin Penal të Republikës së Kosovës (KPRK).        

Prokuroria Themelore në Pejë, gjatë 24 orëve të fundit ka ndaluar një (1) person me aktvendim të prokurorit të shtetit, si dhe  ka ngritur shtatë (7) aktakuza kundër shtatë (7) personave për vepra të ndryshme penale.  Me urdhër të prokurorit të shtetit një trup i pajetë është dërguar në Institutin e Mjekësisë Ligjore për obduksion.

Prokuroria Themelore në Gjilan, ka ngritur dhjetë (10)  aktakuza kundër pesëmbëdhjetë (15) personave.

Brenda 24 orëve Prokuroria Themelore në Mitrovicë, ka ngritur katër (4) aktakuza kundër shtatë  (7) personave, për vepra të ndryshme penale.

Prokuroria Themelore në Ferizaj, gjatë 24 orëve të fundit, ka ngritur dy (2) aktakuza kundër dy (2) personave për vepra të ndryshme penale.

Shfaq komentet
comments powered by Disqus
Sot mund të lexoni Shfletoni kopertinat