Në 24 orët e fundit në territorin e Komunës së Malishevës, një person ka rezultuar pozitiv me covid-19. Kjo është e bërë e ditur në komunikimin e rregullt të shtabit emergjent komunal në Malishevë, me IKSHPK, IRSHP në Prizren, me QKMF në Malishevë dhe komunikim me rastet në terren.
Në raportin e IKPSHPK-së të publikuar sot, janë paraqitur dy raste, por është lëshim teknik, pasi njëri rast ka qenë një person aktiv më herët dhe në testimin e fundit ka rezultuar negativ, gjë e cila dëshmohet edhe në raportin e QKMF-së në Malishevë dhe i njëjti ditë më parë është liruar nga izolimi.
Përndryshe, gjendja me covid-19 në Komunën e Malishevës, është kjo:
Nga fillimi i pandemisë e deri më tani me covid-19 janë regjistruar gjithsejtë 1100 raste, prej tyre 1016 janë shëruar, 52 kanë vdekur dhe aktiv janë edhe 32 persona.
