Thirrje për pjesëmarrje në konkursin për Çmimin e Ambientit

Kosova

Thirrje për pjesëmarrje në konkursin për Çmimin e Ambientit

Më: 18 tetor 2021 Në ora: 11:15
Ilustrim

Çmimi për storien më të mirë mbi ambientin ka për qëllim promovimin e arritjeve në raportim që lidhet me ambientin si dhe nxitjen e gazetarëve për të shkruar për temat që lidhen me ambientin në Kosovë dhe më gjerë.

Ky çmim është themeluar nga Organizata ÇOHU në kuadër të koalicionit Pro OPEN për mbështetjen e gazetarisë së shkruar në fushën e mbrojtjes së ambientit.

Për këtë çmim do të shpërblehen tri storiet më të mira. Vendi i parë do të shpërblehet me shumën 500 euro bruto, e dyta me 400 euro dhe storia e tretë do të shpërblehet me shumën 300 euro.

Konkursi shpallet për storiet e shkruara të botuara në periudhën 1 tetor 2020 – 30 shtator 2021, të cilat trajtojnë çështje që lidhen me ambientin në Kosovë.

Për këtë çmim gazetarët mund të aplikojnë me storiet e shkruara dhe të botuara në mediat e Kosovës.

Konkursi është i hapur për gazetarët të cilët kanë çfarëdo pune apo angazhimi në media të shkruara (psh. të punësuar me orar të plotë, punë me honorar/freelance, të vetëpunësuar, apo të ngjashme).

Aplikimi bëhet duke dërguar linkun e stories së botuar apo shkrimin e skenuar në e-mailin e organizatës ÇOHU – [email protected] me subjekt: Çmimi i Ambientit.

Data e fundit për aplikim është 29 tetor 2021.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat