Parashikimi i motit, të enjten temperaturat -9 gradë Celsius

Kosova

Parashikimi i motit, të enjten temperaturat -9 gradë Celsius

Më: 11 janar 2022 Në ora: 22:31
Foto ilustrim

Instituti Hidrometeorologjik i Kosovës (IHMK) ka njoftuar se të mërkurën do të mbajë mot kryesisht i vranët, ndërsa të enjten parashihet mot më i ftohët.

IHMK bën të ditur se të mërkurën temperaturat minimale do të lëvizin ndërmjet -4 deri -3 gradë Celsius, ndërsa maksimalet e ditës parashihen të lëvizin ndërmjet -1 deri zero gradë Celsius.

“Të enjten parashihet mot më i ftohët dhe me kthjellime të pjesshme. Temperaturat minimale do të lëvizin ndërmjet -9 deri -8 gradë Celsius, ndërsa maksimalet e ditës parashihen të lëvizin ndërmjet -3 deri -2 gradë Celsius. Në viset malore temperaturat do të jenë për 2-4 gradë më të ulëta se në viset e ulëta”, thuhet në njoftim.

Gjithashtu, në njoftim thuhet se do të fryjë erë kryesisht nga verilindja me shpejtësi 1-6m/s, ndërsa në viset malore shpejtësia e erës mund të arrijë maksimumin deri 11 m/s.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat