Kryetari i komunës së Podujevës Shpejtim Bulliqi sot së bashku me drejtorin ekzekutiv të organizatës “Qatar Charity”, Esam Dabib kanë marrë pjesë gjatë shpërndarjes së mekanizmave bujqësore për 31 fermerët përfitues.
“Sot janë shpërndarë 7 kosa, 11 freza, 6 kultivatorë me frezë dhe kosë, 7 kultivatorë me frezë, kosë dhe rimorkio”, shkruan Bulliqi në Facebook.
Gjithashtu para disa dite janë shpërndarë 6 lopë dhe 7 tufë delesh për bujqit përfitues.
Ky projekt është bashkëfinancim me “Qatar Charity”, ku komuna e Podujevës ka financuar 10% e vlerës së projektit, ndërsa pjesën tjetër organizata.
