Shtrenjtohet uji nëpër disa qytete të Kosovës

Kosova

Shtrenjtohet uji nëpër disa qytete të Kosovës

Më: 22 janar 2022 Në ora: 21:30
Foto ilustrim

Prej një janarit të këtij viti kanë hyrë në fuqi tarifat e reja për metër kub uji në disa prej qyteteve të Kosovës.

Ujin për një cent më shtrenjtë do ta paguajnë në fund të këtij muaji konsumatorët e Kompanisë Rajonale të Ujësjellësit “Prishtina”, KRU “Mitrovica”, ndërkaq ata të KRU “Bifurkacioni” do ta paguajnë dy centë më shtrenjtë.

Sipas Autoritetit Rregullator të Ujit, rritje ka pasur vetëm në tarifat për ujin e pijshëm, shkaku i investimeve nga kompanitë e ujësjellësit, derisa në ato për ujin jo shtëpiak ka pasur ulje prej dy cent.

Sipas të dhënave të Agjencisë së Statistikave të Kosovës, një qytetar shpenzon rreth 90 litra ujë në ditë, apo 2.2 përqind të pagës mesatare në vendin tonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat