ZRrE-ja e shtyn afatin për dhënien e komenteve për ristrukturimin e tarifave

Kosova

ZRrE-ja e shtyn afatin për dhënien e komenteve për ristrukturimin e tarifave

Më: 26 janar 2022 Në ora: 18:55
Zyra e Rregullatorit për Energji

Zyra e Rregullatorit për Energji bën të ditur se e ka shtyrë afatin për dhënie të komenteve në raportet e publikuara për konsultim publik, kjo duke e marrë parasysh interesimin e palëve.

Në njoftimin e publikuar përmendet edhe afati për ristrukturimin e tarifave të nevojshme për të përmbushur kostot e blerjes së energjisë.

“Raportin mbi të Hyrat e Lejuara Maksimale (HLM) të Furnizuesit të Shërbimit Universal të Operatorit të Sistemit të Transmisionit dhe Tregut (KOSTT) dhe të Operatorit të Sistemit të Shpërndarjes (OSSH), raportin konsultativ që paraqet qëndrimet e ZRRE-së për ristrukturimin e tarifave të nevojshme për të përmbushur kostot e blerjes së energjisë elektrike dhe për të rivendosur furnizimin me energji elektrike për konsumatorë”, thuhet në njoftim.

Afati do të zgjatet deri më 31 janar, në orën 16:00. Palët që dëshirojnë të shprehin komentet e tyre për qëndrimin e ZRRE-së, ftohen t’i dorëzojnë komentet e tyre me shkrim në adresën ero.pricing‐[email protected]‐ks.org

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat