Dhjetë mijë të rinjve do t'iu mundësohet puna praktike

Kosova

Dhjetë mijë të rinjve do t'iu mundësohet puna praktike

Më: 16 maj 2022 Në ora: 16:23
Ministria e Financave, Punës dhe Transfereve e Kosovës

Ministria e Financave, Punës dhe Transfereve e Kosovës në bashkëpunim me UNICEF-in do të mundësojë punën praktike për 10 mijë të rinjë.

Kështu tha ministri, Hekuran Murati, në tryezën e diskutimit lidhur me mundësitë e angazhimit në punë praktike të të rinjve, përmes platformës Kosovo Generation Unlimited.

Puna praktike do të ofrohet për të rinjtë që janë pjesë e rrjetit "CSR Kosova" përmes bashkëpunimit me biznese dhe organizata tjera.

“Punësimi i dinjitetshëm është prioritet kyç i kësaj Qeverie, me fokus të veçantë punësimi i të rinjve”, ka thënë Murati.

Kordinatorja për Zhvillim e Kombeve të Bashkuara, Ulrika Richardson, u shpreh se ndryshe nga vendet e tjera të Evropës, Kosova ka një popullsi të re, e cila mund të bëhet motor për zhvillimin e qëndrueshëm të vendit.

“Kosovo Generation Unlimited do të ju ofrojë të rinjve një qasje dinamike për t’u aftësuar profesionalisht, si në aspektin e punës praktike ashtu edhe në zhvillimin e aftësive të buta”, tha ajo. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat