Blloku A3 ka rënë të dielën, KEK njofton për prishje

Kosova

Blloku A3 ka rënë të dielën, KEK njofton për prishje

Më: 27 shtator 2022 Në ora: 17:42
Foto ilustrim

Blloku A3 i Termocentralit Kosova A ka dalë nga funksioni që nga e diela. Kështu KEK është duke funksionuar me vetëm dy njësitë prodhuese të Termocentralit Kosova B.

Lajmin e ka konfirmuar Korporata Energjetike të Kosovës, përmes një njoftimi në Facebook.

Sipas KEK, kjo ka ardhur si pasojë e veprimit të mbrojtjes në ndërprerësin e gjeneratorit.

“Korporata Energjetike e Kosovës njofton se dje me datë 25.09.2022, njësia A3 është ndalur si pasojë veprimit të mbrojtjes në ndërpresin e gjeneratorit. Në këtë drejtim ekipet profesionale të KEK-ut dhe KOSTT-it janë duke punuar në identifikimin e burimit që ka shkaktuar veprimin e kësaj mbrojtje dhe për të mundësuar rikthimin e sigurt të njësisë në punë në kohë optimale”, thuhet në njoftimin e KEK.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat