​Të mërkurën mbahet akademi në mbështetje të Luginës

Kosova

​Të mërkurën mbahet akademi në mbështetje të Luginës

Më: 27 shtator 2022 Në ora: 17:45
Akademia do të mbahet në sallën e Teatrit të Gjilanit, me fillim në ora 17:00.

Me rastin e 40-vjetorit të Lëvizjes Popullore të Kosovës (LPK) si dhe 25-vjetorit të kalimit të Këshillit të Rrethit të Preshevës në formacion ushtarak të Ushtrisë Çlirimtare të Kosovës (UÇK) nesër do të mbahet një akademi mirënjohjeje.

Sipas organizatorëve, kjo akademi do të jetë në mbështetje të Luginës së Preshevës - Kosovës së paçliruar.

Akademia do të mbahet në sallën e Teatrit të Gjilanit, me fillim në ora 17:00.

LPK është duke shënuar 40-vjetorin e saj me organizimin e shumë aktiviteteve në mbarë vendin. Roli i saj, në rrethana të rënda të pushimit, gjithnjë është vlerësuar duke thënë se ka lëvizur përpara drejt qëllimit të saj kryesor, çlirimit kombëtar të trojeve shqiptare.

Bashkimi politik i organizatave patriotike shqiptare dhe krijimi i Lëvizjes Popullore të Kosovës ishte një ngjarje me rëndësi para 40 vitesh për t’i bërë ballë tentative të armikut për të shuar ëndrrën e shqiptarëve të Kosovës për liri.

Nismëtar për themelimin e kësaj Lëvizjeje, ishin patriotët: Jusuf e Bardhosh Gërvalla, Kadri Zeka e Ibrahim Kelmendi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat