Lladrovci: Drenasi miraton buxhetin më të madh që ka pasur ndonjëherë

Kosova

Lladrovci: Drenasi miraton buxhetin më të madh që ka pasur ndonjëherë

Më: 27 shtator 2022 Në ora: 19:21
Kuvendi Komunal

Kryetari i komunës së Drenasit, Ramiz Lladrovci, ka njoftuar se sot në Kuvendin Komunal është miratuar buxheti për vitin 2023, që është buxheti më i madh që ka pasur ndonjëherë!

“Sot, ishte ditë e mbarë për komunën tonë, sepse, është miratuar Buxheti i përgjithshëm i komunës. Ky buxhet, për vitin 2023, do të jetë 18.156.891 euro, ndërsa buxheti për Investimet kapitale është 6,041,095 euro. Në këtë mbledhje është miratuar dhe projeksioni buxhetor për vitet 2024-2025“, ka shkruar Lladrovci.

Sipas Kryetarit, edhe buxheti për investime kapitale është më i madhi ndonjëherë.

“Buxheti i përgjithshëm është 18,156,891 euro, ndërsa buxheti për investime kapitale është 6,041,095 euro. Ky është buxheti më i madh që ka pasur Komuna e Drenasit, po ashtu më i madhi edhe në kategorinë e investimeve kapitale. Me këtë buxhet janë paraparë projektet kapitale të cilat do të realizohen gjatë vitit të ardhshëm”, ka deklaruar Lladrovci.

“Falënderoj Kryetarin e Kuvendit, z. Milaim Hajdari, të gjithë asamblistët, në veçanti ata të PDK-së, AAK-së dhe të LDK-së për votimin e buxhetit për qytetarët e Drenasit. Po ashtu, falënderoj drejtorët e drejtorive për punën rreth buxhetit dhe qytetarët që morën pjesë në dëgjimet buxhetore, bashkëpunimin rreth projekteve si dhe iniciativat e mira për qytetarët e komunës tonë”, ka deklaruar ai në rrjetin social.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat