Këto ngjarje zhvillohen të hënën në Kosovë

Kosova

Këto ngjarje zhvillohen të hënën në Kosovë

Më: 5 dhjetor 2022 Në ora: 00:01
Foto ilustrim

Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitarët nga KEK për periudhën 2018-2022. (Kuvendi i Kosovës, salla N-204, ora 11:00)

Presidentja e Kosovës, Vjosa Osmani pret në takim ndihmës administratoren e USAID-it, Erin E. McKee. (Kabineti i Presidentes, ora 12:00)

Instituti i Kosovës për Drejtësi (IKD) organizon tryezë të rrumbullakët, ku do të prezantohet raporti “Parashkrimi i Korrupsionit”. (Hotel Sirius, salla “Rigel”, ora 13:00)

Ministria e Kulturës, Rinisë dhe Sportit, UNICEF dhe UN Volunteers do të organizojnë shënimin e Ditës Ndërkombëtare të Vullnetarizmit. (Kino Armata, sheshi “Zahir Pajaziti”, në Prishtinë, ora 13:00)

Këshilli Rinor Kosovar (KYC) në bashkëpunim me Kuvendin e të Rinjve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e vullnetarizmit’. (Salla e Kuvendit Komunal në Ferizaj, ora 14:00-17:00)

Lëvizja FOL në kuadër të “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel “Sirius”, Prishtinë, ora 15:15)   

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat