​I zhdukuri gjendet i vdekur në bodrum

Kosova

​I zhdukuri gjendet i vdekur në bodrum

Më: 14 qershor 2025 Në ora: 15:06
Foto ilustrim

Një person i raportuar si i zhdukur është gjetur pa shenja jete në bodrumin e një ndërtese në rrugën “Hamëz Jashari” në Ferizaj.

Viktima është një mashkull kosovar, i cili ishte shpallur i humbur nga familjarët më herët. Trupi i tij është zbuluar në rrethana ende të paqarta nga organet hetimore.

Me vendim të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion, në mënyrë që të përcaktohet shkaku i vdekjes.

Autoritetet kanë nisur një hetim të thelluar, ndërsa detaje të mëtejshme pritet të bëhen publike në ditët në vijim.

comment Për komente lëvizni më poshtë
Sot mund të lexoni Shfletoni kopertinat